بعد حلقتها مع الإعلامية منى الشاذلي.. آيتن عامر ترد على منتقديها
تعرضت الفنانة المصرية الشابة آيتن عامر لانتقاد لاذع وهجوم حاد من قبل متابعيها على السوشيال ميديا بعد ظهورها في حلقة في برنامج "معكم" للإعلامية مني الشاذلي، وروت عامر بالحلقة زيادة وزنها المفرط بعد إنجابها ورحلتها مع "الدايت" ومحاربتها لإنزال وزنها، وهو ما قوبل بشكل سلبي من الجمهور، مبررين ذلك بأن هناك مشاكل كثيرة يجب مناقشتها أفضل من رحلة آيتن لإنزال وزنها.
وردت آيتن على كل تلك الانتقادات من خلال منشورها بصفحتها بموقع "فيس بوك" قائلة:"أيوه فى مشاكل أهم وأعمق من المشكلة بتاعتى اللى تناولتها النهاردة الأستاذة منى الشاذلى، ولكن خلينا نشوفها بشكل تانى، ليه منقولش إن تجربتى دى ممكن تبقى حافز لناس كتير نفسها تخس و ظروفها المعنوية أو المادية مش مساعداها خصوصا أن الدكتور وافق انه ينزل الأنظمة الغذائية كاملة دون أى مقابل".
وأضافت، "ليه منقولش إن دى تجربة فعلية تخلى الناس اللى بيتضحك عليها باسم عمليات التكميم وتحويل المسار وبيبقى عندهم استعداد يبيعوا دهبهم ويعملوا جمعيات عشان يعملوا العملية مع إن من الممكن منضرش صحتنا و نخش أوض عمليات ونعمل دايت وتخس ومنتكلفش كل الفلوس دى"، مؤكدة: "ليه الحلقة دى متكونش بتهون على كل واحدة لسه مخلفة ووزنها زايد وعندها اكتئاب وبتوريها إنها مش لوحدها اللى بيحصلها كدة وانى كممثلة لا أتميز عنها بشيء سوى الإرادة وأشجعها تبدأ معايا".
وتابعت آيتن، "بلاش هجوم بلا داعى، أنا مش هقدر أحل مشاكل الكون ولا مشكلة الغلاء، لكن ممكن أكون مصدر إلهام لبنات كتير وأساعدهم على الوصول لحلم صغير، لأن هو ده اللى هقدر عليه".
