عمرو سلامة يكشف عن مأساة أعماله الفنية
كشف المخرج المصري عمرو سلامة عن مأساته مع شخصيات أعماله الفنية، ونشر عبر حسابه الرسمي بـ"إنستجرام"، صورًا من كواليس أعماله، وعلق عليها قائلًا: "هناك شعور بالمرارة والخسارة والخيانة بيحسها المخرج لما يخلص التصوير ويكتشف إن الشخصيات اللي حبها كانوا مجرد شخصيات عاش شوية معاهم وخلاص"..
وتابع: "الشعور ده بيحسه لما يبدأ يشوف الممثلين اللي لعبوهم رجعوا لشخصياتهم الحقيقية وأشكالهم العادية، ومهما اتفرج عليهم في الأعمال اللي أخرجها ده مابيكنش عزاء لشعور فقدانهم كشخصيات خلقهم وعاش معاهم".
وأضاف: "لكن الشعور الجميل فعلا هو أول يوم تصوير لما الشخصية اللي كتبها بتتحول للحم ودم، وده اللي بيهون الدايرة وهي بتتعاد من جديد، ومنتظر بشغف حدوث ذلك في المشروع القادم".
عمرو سلامة واحد من أهم المخرجين الشباب المصريين، أخرج عددًا من الأعمال الفنية الناجحة منها: أفلام "زي النهاردة"، و"أسماء"، و"صنع في مصر"، و"شيخ جاكسون"، وكان أخر أعماله مسلسل "طايع" بطولة عمرو يوسف والأردنية صبا مبارك.