إصابة رامي جمال بهذا المرض تهدد عمله بالغناء
كشف المطرب المصري، رامي جمال، عن إصابته بمرض "البهاق"، منذ سنة، لافتًا إلى أنه لم يتحدث عنه من قبل في محاولة لإخفائه ومعالجته سريعًا.
وقال جمال عبر منشور له بموقع الصور الشهير "انستغرام": "الحمد لله الذي أحبني فابتلاني وقدرني على الصبر، من فترة ظهرت بقع بيضاء في جسمي وبالكشف عرفت أنه البهاق وجربت أنواع علاج كتيرة ودكاترة كتير ومفيش فايدة".
وأضاف: "رضيت وسلمت أمري لله عشان عرفت إن الزعل بيزوده وكفاية شغلانتي وصعوبتها والقلق الدائم من المستقبل، وفعلًا بقي يزيد لدرجة لفت نظر ناس كتير اللي بقي يقوللي هتتعامل إزاي وإنت فنان واللي يخاف يسلم واللي يسألني هو ده معدي".
وتابع: "أنا بقالي سنة فعلًا لو عندي حفلة أو تصوير بتعب على ما أشوف طريقة أخفيه بيها لدرجة خلت ناس تقولي شوف بيزنس تاني اعلمه عشان الناس مش هتقبلك كدة، فكرت في كلامهم بصراحة ولقيت عندي حلين، يا فعلاً شكراً لحد كده على الشغلانة دي رغم حبي ليها وعدم معرفتي بغيرها، يا إما مش هداريه تاني وتقبلوني بيه".
وواصل منشوره بقوله: "الحمد لله على نعمة الأهل لأنهم الوحيدين اللي بيقبلوا الواحد زي ما هو، طولت عليكم بس قلت أشرككم في حياة فنان".
يذكر أن آخر ألبومات رامي جمال، كان بعنوان "ليالينا"، وتعاون فيه مع عدد كبير من الشعراء والملحنين، منهم أيمن بهجت قمر، ونادر عبدالله، وبهاء الدين محمد، بالإضافة إلى أمير طعيمة، وتامر حسين، وتوما، ومدين، ومحمد يحيى، ونادر حمدي، وتميم.