رامز أمير يكشف طقوس الاحتفال بعيد ميلاده (صورة)
الاثنين 2 ديسمبر 2019 15:03:02
احتفل الفنان الشاب رامز أمير، بعيد ميلاده الـ 31، الذي وافق أمس 1 ديسمبر.
ونشر "رامز" صورة له من مرحلة الطفولة والشباب، وذلك عبر حسابه الرسمي بموقع إنستجرام، معلقًا: "البوست بتاع كل سنة يوم عيد ميلادي".
وتابع: "عيد ميلادي بعمل فيه طقس مهم أوي عندي، لازم أعمل قعدة بين الاتنين دول، بسأل فيها الواد الصغير اللي تحت ده سؤال واحد بس، إنت فخور بيا ولا لأ".
وأضاف: "دي أهم حاجة عندي، لازم أكون قد الحلم اللي حلمه وحملني مسؤولية إني أحققهوله، والأهم إني مخسروش وأنا بحقق الحلم ده".
واستكمل: "أنا بقوله النهاردة أنا على وعدي متقلقش، لو حد فيكوا قعد القعدة دي مع الطفل اللى جواه هيقوله إيه".
رامز أمير من مواليد 1 ديسمبر 1988، ويحتفل بعيد ميلاده الحادي والثلاثين، وشارك "رامز" في عدد من الأعمال بالسينما والتليفزيون، أبرزها "كفر دلهاب"، "كف القمر"، "الفرح"، "المركب"، وطان آخر أعماله فيلم "حملة فرعون".