رانيا يوسف عن منع مطربي المهرجانات: أنا مش قادرة أمنع الموبايل عن عيالي

على هامش مشاركتها في مهرجان الفجيرة الدولي للفنون، في دورته الثالثة، صرّحت الفنانة رانيا يوسف لبرنامج "mbc trending"، أنها لا تفهم ما معنى كلمة "أغاني مهرجانات"، موضحة أنها عرفت المطرب حسن شاكوش بعد إعجابها بأغنية "بنت الجيران"، قائلة: "أنا بفهم إن في أغنية حلوة بترقّص لذيذة شعبية دمها خفيف، زي أغنية سكر محلي، وأنا عرفت شاكوش بعدها.. بالمناسبة أحب أوج التحية لحسن".

وعن موقفها من قرارات منع مطربي المهرجانات، قالت رانيا: "أنا ضد المنع، محدش يقدر يمنع حاجة دلوقت، في أقمار صناعية وإنترنت مين اللي يقدر يمنع.. ايه ده.. أنا مش قادرة امنع الموبايل عن عيالي .. ما اللي يغني يغني واللي عايز يسمع يسمع واللي مش عاجبه يحوّل القناة وخلاص".

جدير بالذكر أنه يعرض لرانيا يوسف حالياً فيلم "صندوق الدنيا" مع خالد الصاوي وباسم السمرة وصلاح عبدالله وأحمد كمال وهو من تأليف وإخراج عماد البهات.