كريم فهمي يعلق على أزمة مسلسل رجالة البيت

بعد اعتذار الفنان بيومي فؤاد، عن المستوى الذي ظهر عليه مسلسه "رجالة البيت"، وجه له الفنان كريم فهمي رسالة عبر حسابه على "إنستجرام".
وكتب كريم فهمي: "أه الناس كانت مستنية منكوا كتير ، أه أنتوا إمكانياتكوا أعلى, أنتوا اللي عملتوا ريح المدام و الوصية والواد سيد الشحات وسمير و شهير و بهير و بنات العم و ورقة شفرة والبدلة و الرجل العناب".
وأضاف: "غير إنك يا أحمد كتبت من أعظم أفلام الكوميديا في مصر ( كده رضا ) وغيرها، لكل جواد كبوة مع إني بضحك في حاجات كتير في المسلسل بس برضوا عندكوا أحسن أنا عارف، المسلسل موقعش هو منجحش النجاح المطلوب".
وأنهى حديثه: "أنا متأكد إن اللي جاي منكوا هيبقي أقوى سواء مع بعض أو كل واحد لوحده ، بحبكوا".
وكان الفنان أحمد فهمي بطل العمل هو كذلك، قد اعتذر لجمهوره على مستوى "رجالة البيت" عبر حسابه على إنستجرام، وكتب: "أسف إني خذلتكم وبوعدكم اللي جاي أحلى إن شاء الله".
مسلسل رجالة البيت من بطولة أكرم حسني وأحمد فهمي وبيومي فؤاد وويزو ومن تأليف أيمن وتار وإخراج أحمد الجندي.