هبة مجدي تشوق جمهورها للأحداث المقبلة في فرصة تانية

قالت الفنانة هبة مجدي، إنها تفاجئت بردود فعل المشاهدين عقب تحول شخصية "مريم" التي تؤديها في مسلسل "فرصة تانية"، قائلة: "مصدقتش كمية الناس اللي فرحانة ومتعاطفة مع الشخصية واتبسطوا ازاي بعد ما اتحولت وقلبت وقلت الناس بتحب الشر ولا ايه".

وأضافت "هبة" في مداخلة هاتفية لبرنامج "مساء دي إم سي" الأربعاء: "أن شخصية مريم في مسلسل فرصة تانية، حصل فيها حاجات كتير، وأي واحدة في مكانها يا اما هتنزل في أزمة نفسية أو هتدخل مصحة نفسية، أو هتتحول وهتقول عليا وعلى أعدائي"، موضحة: " وأنا بصور في المشهد كان نفسي أكسر حاجات أكثر من كتر منا كنت مركزة في الشخصية ولأن شخصية مريم كانت مأثرة فيا جدًا".

وتابعت: "لما الواحد بيكون مركز في الشخصية ومذاكرها كويس وبيحاول يعمل حاجة مختلفة عن اللي عملها قبل كده بيستمتع، وبيطلع حاجات مش فيه"، مؤكدة: "بتواصل مع الناس دايمًا على انستجرام وكنت بقولهم استنوا لسه اللي جاي تقيل، ومش هقولكم على القصة في الآخر هتوصل لأيه".