بعد أزمة شريف منير.. نجلاء بدر تنشر إجراءات تحرير محضر السب عبر السوشيال ميديا
أعادت الفنانة نجلاء بدر، نشر خطوات إجراءات تحرير محضر سب وقذف عبر وسائل التواصل الاجتماعي.
ونشرت نجلاء، بوستر الخطوات الذي حددته الشرطة لتحرير هذا المحضر عبر حسابها على إنستجرام، وعلقت: "اتحرك وخد حقك في دولة القانون".
ويأتي هذا بعد أن تعرضت ابنتا الفنان شريف منير للتنمر والسب من قبل بعض رواد السوشيال ميديا، ونشر "منير"، مقطع فيديو يجمعه بابنتيه "فريدة وكاميليا"، عبر حسابه الرسمي بموقع "إنستجرام".
وقال منير في الفيديو مشيرًا إلى ابنتيه: "مساء الخير، دول المذنبين، دول المتهمين، اللي عملوا المصيبة، اللي بوظوا البشرية، اللي أذوا الناس، اللي أذوا الدين، لان الناس اللي شتموني بيكلموني بالدين، هما دول اللي أذوا الدنيا كلها البنتين الكبار أوي".
وأضاف منير: "بشكر كل الناس اللي وقفت جنبي، وبشكر كل الناس اللي دعمتني، ودعمت فريدة وكاميليا، وأنا بشكركم على إحساسكم وشعوركم".
وتابع منير: "اللي طالبه منكم النهاردة لازم يكون في وقفة قوية، لازم كلنا نبقى إيد واحدة، أي حد يتجاوز حدوده بلفظ خارج ما تسكتوش، أعملوا بلاغ، الأهتمام غير طبيعي من قبل النيابة، والناس فارق معاها الموضوع جدا، وعايزين يساعدوا".
وأكمل شريف منير: "لازم نقول لا للسفالة، لا للقذارة، الناس دي مش عايزينها في حياتنا، لازم بقى تنشطوا شوية وتعملوا بلاغات متتالية لمباحث الانترنت، دول بناتي اللي اتهانوا عشان كنت بس فرحان بيهم، ولكن الرد هيكون جامد أوي".
وعلق الفنان شريف منير على الفيديو :" لا للتنمر".
وقالت فريدة :"أنا اتهنت واتجرحت وعايزة حقي".
وقالت كاميليا :"ناس كتير شتمتني وشتمت بابا، وأنا ما بحبش حد يشتم بابا، ومحبش أشوف بابا يتهزأ وعايزة أخد حقي".
واختتم شريف منير حديثه: "وانا بقولكوا حقكوا هيرجع، اي حد يتعرض لاي أذى أو أي إهانة هيجيلوا حقه لغاية عنده، ومش هيكون على مواقع التواصل الإجتماعي بعد كدا لفظ واحد غلط، أنا مستني الملايكة يردوا عشان كله هيبقى بحسابه".
وكان الفنان شريف منير قد أعاد نشر صورة ابنتيه "كاميليا وفريدة"، بعد حذفها من حسابه بموقع "إنستجرام".
وكشف "منير"، سبب حذف الصورة وإعادة نشرها مرة أخرى قائلًا: "أنا إمبارح نزلت صورة بناتي (الصغيرين) ولقيت تعليقات من ناس مريضة، جرحوني وجرحوا بناتي، وتحت ضغط من بناتي ووالدتهم، طلبوا مني امسح الصورة، فمسحتها".
وأضاف: "لكن أنا نزلتها تاني، لأن شوية الهمج المتخلفين دول مش هما اللي هيحددوا انشر ايه وما أنشُرش ايه، وأي حد هيكون على أي صفحة تخصني، لو تعدى حدوده، هتاخد الإجراء القانوني ضده، اللي بيوصل للسجن أحيانا".
يذكر أن، نجلاء بدر، شاركت في دراما رمضان المنقضي بمسلسلي "الفتوة" و" البرنس".