بالفيديو.. مي حلمي تبكي بسبب زوجها محمد رشاد.. وتعلق :مش هسيب حقنا
خرجت المذيعة مي حلمي، في مقطع فيديو عبر حسابها بموقع "إنستجرام"، تروي لمتابعيها أزمتها وزوجها المطرب محمد رشاد مع أحد الأشخاص دون ذكر اسمه.
وظهرت "مي"، في الفيديو باكية: "لما تصحى من النوم دون سابق إنذار، تلاقي حد عايز يحجز على بيتك ويدمر اسمك وحياتك هتعمل إيه، بدعم جوزي وبقول كفاية وقف حال فينا، فيه قضية وعشان العقد وحاجة تبع محمد رشاد في الغنا والمبلغ كان 5 مليون وفضل يطلع وينزل".
وأضافت: "واحد لسه بيبتدي حياته ده 30 سنة، حاول يكلم ناس كتير ويقسط المبلغ وده كل اللي همه أنه يشوف البني آدم الطيب ده محبوس، ليه هخبي حاجة زي دي النهاردة وانتوا شوفتوا بدايتنا مع بعض وحبنا خناقتنا وكل حاجة، تخيلي تصحي من النوم في بيتك اللي انتي تعبتي عشان تبنيه حد بيقولك إنه هيحجز عليه".
وتابعت: "كفاية 4 سنين وقف حال فيه وسنتين فيا وأنا مكنتش أعرف، بسبب علاقاتك وأصحابك بتكلم فلان إني مشتغلش تعالى خد اللي انت عايزه بس سيبنا في حالنا، لما انت كارهه مضيت معاه ليه، مالك ومال شغلي مالك ومال حياتي، هو يا جماعة عايز ينفذ حكم على رشاد بسبب الغنا، رشاد عنوانه في طنطا مالك ومال بيتي؟".
واختتمت: "جه عايز يكسر الباب هنا بدون سابق إنذار، ليه عايز تحبسه ليه عايز تأذيه وتأذينا في أسمينا وشغلنا وحياتنا، عشان شرط جزائي غنا في عقد 4 سنين كفاياك وقفت حاله".
واستكملت حديثها في منشور آخر :" ماتبعتليش حد وماتخليش حد يكلمني يقولي ماتعمليش فيديوهات اصحاب ماعنديش في الوسط ده الا ناس معينه والباقي كله معارف وفي الاخر كله هيوقف مع مصلحته وماحدش يكلمني عشان مصلحته مع شخص ما يقولي اتسرعتي وامسحي الفيديوهات ماليش حاجه عند حد وعمري ماطلبت حاجه من حد عشان حد يطلب مني وتقولولي الموضوع هيتحل يتحل بعد ما انا اتكلمت بعد ما كل ده حصل ولا انتو بتسيبو الزفه وتيجو بعد الفرح مايخلص تطيبو ؟ ومش هبطل دعم ادعم_محمد_رشاد.. وهقول كل حاجه وفيديوهات مش همسح ومش هسيب حقنا ولسه في باقي".
وتعرضت مي حلمي لعملية إجهاض في مطلع العام الجاري، وشارك رشاد صورة زوجته في المستشفى وعلق عليها قائلًا: "ربنا يعوضنا خير وطول ما انتي كويسة اللي راحوا يجي غيرهم ذرية صالحة بإذن الله.. قدر الله وما شاء فعل والحمد لله على جميع أمره.. ربنا يشفيكي وتقومي بالسلامة".
شاهد| بالفيديو.. مي حلمي تبكي بسبب زوجها محمد رشاد.. وتعلق :مش هسيب حقنا