اللواء سمير فرج.. قائد كتيبة السيسي الذي منحه امتياز منذ 40 عامًا

احتل اسم اللواء سمير فرج أحد أبطال حرب أكتوبر المجيدة، والرئيس الأسبق للشؤون المعنوية للقوات المسلحة المصرية محركات بحث جوجل ووسائل التواصل الإجتماعي، اليوم الأربعاء، عقب توجيه الرئيس المصري عبدالفتاح السيسي التحية له كونه كان قائد كتيبته.

وقال السيسي خلال الندوة التثقيفية للقوات المسلحة بمناسبة انتصارات حرب أكتوبر :"اللواء سمير فرج كان يتمتع بالسمعة الطيبة والقدرة العلمية، وتعلمت منه أنه لا توجد مشكلة بدون حل بهدوء ويسر وفكر، أوجهلك كل التحية والتقدير يا فندم".

اللواء سمير فرج رد على حديث السيسي بقوله "أنا بفتخر إنه في يوم من الأيام كنت مع سيادتك في الكتيبة"، ليقول السيسي: "لا يا فندم أنا اللي كنت مع حضرتك، عمر العين ما هتترفع عن الحاجب".

ليرد اللواء سمير فرج قائلا: "عمري ما ذكرت هذا حتى لا يقال أنني أتملق، ولن أتحدث في هذا الأمر مطلقا، كنت ملازم أول عبدالفتاح سعيد السيسي، ويوم ما سبت الكتيبة، كتبت التقرير السري، وعملت التقرير، وكان الملازم أول الوحيد اللي خد تقدير امتياز كنت حضرتك، ولما كتبت الامتياز، كتبت في تقرير ليه الامتياز، كنا بنلف في عربية جيب وحصلت عاصفة رملية، وبلغنا قيادة اللواء وبعتوا بلدوزر، والكتيبة كان فيها مواقع مناعية، وقلت النهار له عينين، والملازم عبدالفتاح السيسي، قالي المدنيين لازم يعدوا الصبح، ونزل الملازم عبدالفتاح يفتح الطريق، وقالي أنا حافظ الطريق يا فندم، وكلم الشئون الإدارية يجهزوا الفطار، وغير الفطار من جبنة بيضة إلى عدس عشان الشتاء، وطلب توزيع جبنة مثلثات بدل الجبنة اللي في صفايح عشان أسهل، وتاني يوم قالي تمام في كل شيئ، الظابط اللي ياخد كل القرارات دي، يبقى صاحب قرار، الكلام ده من 40 سنة وإديتك امتياز، ومكنتش عارف إنك هتكون رئيس جمهورية، القرار شفته لما بتخلص مصر من الإخوان".

ووجه اللواء سمير فرج، التحية للرئيس عبدالفتاح السيسي قائلًا: "أنا لا أنافق، وربنا هيحسابني، أن التاريخ سيكتب لك سيادة الرئيس بعد 100 سنة أنك خلصت مصر من الإخوان".

يشار إلى أن الرئيس المصري عبدالفتاح السيسي، كان قد شهد منتدى احتفالي ضمن فعاليات الندوة التثقيفية الـ34 للقوات المسلحة المصرية، بمناسبة الاحتفال بذكرى نصر أكتوبر، والتي جرى بثها على الهواء مباشرة وحملت اسم "العبور إلى المستقبل".

وقال السيسي: "كنت ملازم أول وقالوا المقدم سمير فرج جاي يمسك الكتيبة، وكان السمعة والقدرة العلمية معروفة جدا، وكان راجع من بريطانيا، ولما روحت بريطانيا، كان أشهر حاجة المناظرة اللي تمت بين شارون واللواء سمير فرج، طب أنا اتعلمت إيه منه، اتعلمت منه حل المشاكل، خدني ظابط استطلاع، وفوجئت إن كل المشاكل بيلاقي طريقة لحلها بهدوء ويسر وفكر، وكان ليا حظ إني خدمت معاه، كقائد للفرقة 33، فأنا بوجه ليه كل التحية والتقدير".