بهذه الطريقة.. ديانا كرزون تحتفل بعيد ميلادها

احتفلت النجمة الأردنية ديانا كرزون بعيد ميلادها والذي يوافق اليوم السبت 30 أكتوبر من كل عام، لكن هذا العام يشكل اختلافا كبيرا في حياة "كرزون"، حيث أنه أول عيد ميلاد لها بعد ولادة نجلتها "سلمى".

ونشرت ديانا صورة لها مع زوجها الإعلامي الأردني معاذ العمري عبر "انستجرام"، وعقت:" عيد اليوم مميز، مميز بكل تفاصيله عيدي اليوم ملفوف بمحبتكم، محبة بدون مقابل، محبة اهل ودعوه حلوه من ست الحبايب(أمي)، وخوفهم عليك من نسمه الهوا، محبة جمهور معاك بكل لحظة بفرحك …بزعلك …بنجاحك، هم جيشك زي ماهم بيحكو، حب اصحابك …يلي بساندوك بكل خطواتك، واقفين بظهرك …بكل ظروفك…بحسو فيك حتى وهم بعاد عنك، حب الزوج …يلي عطاك حب غير عن اي حب سند وظهر تسند عليه…أمان …وغيره، وأحلى حب …نفس ونظرة من قطعة من قلبك بوجودها بتحسسك بالحب كله (سلمى) بنتي يلي ثبتت الحب بيني وبين ابوها وملت علينا حياتنا يلي احلى شعور انو حدا يناديني أم سلمى، أي نعم انا ومعاذ بطلنا مهمين كثير عند بيت أهلي وبيت حماي عشان سلمى صارت اساس الموضوع يعني بطلو يسألو عنا عندهم بس سلمى هي اهم منا طبعا بدون قصد عشان بشوف الموضوع طبيعي يمكن بساير بحالي، عموما الله لا يحرمني منكم، اهديت نفس اني اعمل براند خاص بعد مجهود كبير وفتره طويلة عشان اعمل شي حلو أقدملكم ياه وأهديه لنفسي وبدعي ربنا يوفقني وما يضيعلي تعب، طولت عليكم بالكلام بحبكم".

ديانا كرزون طرحت مؤخرا أغنية "لفلفني" باللهجة اللبنانية، كلمات عمر ساري، ألحان محمد بشار، توزيع خالد مصطفى، مخرج فني نور الدين عايد.