عمري ما بحس إني كبرت.. مي كساب تحتفل بعيد ميلادها (فيديو)
شاركت الفنانة مي كساب جمهورها ومتابعيها عبر حسابها بموقع "انستجرام" بفيديو جديد لها؛ احتفالا بعيد ميلادها، موجهة رسالة شكر وامتنان لأسرتها وأصدقائها وجمهورها.
وكتبت مي كساب قائلة: "مع بداية يوم جديد في سنة جديدة من عمري أيوه فعلا أنا بأبص لنفسي عمري ما بأحس إني كبرت في السن كبرت في العقل بس لكن قلبي بيبي بريئ قسوة الحياه ما قدرتش برضه تلوثه الحمد لله حتي يبلع الحمد منتهاه علي كل نعمه ليه النهارده كان يوم مختلف عشان ولادي وجوزي وأبويا عملولي عيد ميلادي وصحيت من النوم بعد يوم تصوير شاق جدا علي مفاجئتهم ليه كانت بسيطه وجميله وصادقه من أنقي القلوب في عمري أبويا وجوزي وولادي".
وأكملت:" ربنا يخليكم ليه يا نور الحباه بحبكم حب كبير قوي قوي شكرا لكل حد كتبلي كلمه حلوه من قلبه شكرا حبيبة قلبي صابرين النجمة الكبيرة قوي شكرا فريق عملي شركاء الكفاح علي أول عيد ميلاد شكرا أصحابي اللي صمموا يكونوا معايا رغم سوء الجو".
وأضافت:" الحب الصادق نعمة كبيرة قوي وأخيرا جوزي يا ابن الأصول بحبك يا جنرالي ربنا يكرمك زي ما أكرمتني كل شمعه طفيتها من امبارح النهارده كنت بأدعيلك قبلي ربنا يخليك لينا وتحقق كل أحلامك ويبعد عنك أي شر طول ما إنت كويس أنا كويسة وسعيدة واللي فات من عمري كوم واللي جاي كوم نبدأ بقي من يوم السبت بداية جديده جمهوري بحبكم قوي شكرا علي كل الحب اللي غمرتوني بيه النهاردة".
مي كساب قدمت مؤخرًا حكاية "عقبال عوضك" من الجزء الثاني لمسلسل "زي القمر"، وشاركها البطولة محمد جمعة، إيمان السيد، هاله فاخر، محمد حسني، رباب ممتاز، راندا عبد السلام، محمد حكيم، أحمد جمال سعيد، محمود عامر، سمر عبد الوهاب، تأليف حسن صالح وهبة الحسيني، ومن إخراج معتز حسام.