بالفيديو.. تفاصيل أزمة الإعلامية المصرية سالي عبد السلام بلبنان

استغاثت الإعلامية المصرية سالى عبد السلام، بالسفارة المصرية فى لبنان حتى تتمكن من العودة إلى مصر، ونشرت فيديو اتهمت فيه أحد الضباط فى مطار بيروت بالتعسف فى التعامل معها،  أثناء عودتها برفقة والدتها من لبنان.

ووجهت الإعلامية سالى عبد السلام، استغاثتها للسفارة المصرية عبر مقطع فيديو، علقت عليه "أنا عايزة ارجع بلدى حالاً ومش عايزة ادخل البلد دى تانى! أنا محدش يزعق لأمى وتعيط ويستبلى عليها 4 ساعات واقفين طابور بالمطار واخد الباسبور وعايزنى أعتذر معرفش.. ضغطها واطى حتى الدكتور مجبوش".

وقالت، "أنا دلوقتى قاعدة فى مطار بيروت بقالى 4 ساعات طيارتنا جت الساعة 7.30 مصر للطيران.. مامى قاعدة تعبانة مجبولهاش أى حاجة مجبولهاش حتى دكتور.. الضابط جه خد منى الباسبور ومعملش أى حاجة وموقفنى فى الطابور 3 ساعات بعد ما عدينا الـ3 ساعات عشان الشريط مش عارفة متشال فجاى بيزعق لمامى.. بقوله متزعقش لمامى وملكش حق تزعق لأمى".

وأضافت، "واخد الباسبور بتاع مامى أنا عرفت أخد باسبورى.. مش عارفة ارجع مش عارفة اعمل أى حاجة.. أنا مش عايزة أجى البلد دى تانى خلاص.. أنا هنا يا جماعة لو مش هيحترمونى أنا مش عايزة أجى لبنان تانى أنا عايزة حد يتصرفلى أنا عايزة أوصل للسفارة".

وانتهت الأزمة، بعدما استطاعت الوصول إلى الفندق بعد توقفها خلال دخول بيروت، وعرضت الإعلامية سالى عبد السلام فيديو آخر يظهر الزحام فى المطار كما تظهر فيه والدتها خلال الكشف عليها وهى تشكو من الضغط واضطراب ضربات القلب بسبب الوقوف لفترة طويلة فى لبنان، بينما كان أحد الأطباء اللبنانيون يجرى عليها الكشف.

وفى النهاية قالت سالى عبد السلام، "أنا لسه واصل الفندق حالا.. وشكر لكل الناس اللى اطمنت عليا.. والضابط رفض الاعتذار وأنا دخلت البلد علشان خاطر السفير المصرى والقنصل المصرى وكفاية إنكم تكبرونا فى أى مكان.. وعلشان أنا بحب لبنان وكفاية استقبالهم والناس الحلوة اللى هنا.. الناس دى هشالها فوق رأسى طول العمر.. وكفاية المعاملة وحسن الاستقبال.. والحمد لله أمى كويسة".