هذا هو رأي إلهام شاهين في ثورة 25 يناير (فيديو)

قالت الفنانة المصرية إلهام شاهين في حوارها مع برنامج "شيخ الحارة"، المُذاع عبر فضائية "القاهرة والناس"، مساء أمس السبت، إن :"(25 يناير) مؤامرة كبرى ولا يمكن وصفها بالثورة".
وأضافت شاهين، خلال حوارها : "يوم 25 يناير هو بالنسبة إليَّ عيد الشرطة، واللي يعمل ثورة في عيد الشرطة ده يبقى حرامي".
وتابعت شاهين: "مفيش حاجة اسمها جمعة الغضب، دول ناس أجرموا في حق البلد والمجتمع وخربوا اقتصاد البلد وطلعوا المجرمين من السجون جابوا الإخوان للحكم".
واستطردت الفنانة: "خلال هذه الأيام كنت قاعدة في بيتنا وباصرَّح طول الوقت في قنوات التليفزيون وأقول لهم عيب اللي انتو بتعملوه، وموقفي كسِّبني احترام العالم كله؛ لأني واحدة وطنية قوي وخايفة على البلد".
وأضافت شاهين: "مبارك ماكانش ينفع يستمر في الحكم، لكن مش هنمشيه بطريقة الفوضى دي، وإني أبقى ضد الشرطة اللي بتحميني".