مفيش أي رحمة .. هكذا علقت شيرين رضا على حادث قطار طنطا
نشرت الفنانة المصرية شيرين رضا، عبر حسابها الشخصي بموقع "تويتر" تغريدة تعلق بها على حادث "قطار طنطا".
وكتبت: "يعني إيه كمسري يجبر اتنين شباب ينطو من القطر وهو ماشي؟؟؟ إزاي يعني؟؟؟ هو القطر كان فاضي مثلا ومفيش حد شافه؟؟ و ليه محدش حاول يشترلهم تذاكر مثلا؟؟ أنا بجد مش مستوعبة!! إزاي ده يحصل في وجود ركاب تانين؟؟ هي وصلت لكدة؟؟؟ مفيش أي رحمة خلاص؟".
وتابعت في تغريدة أخرى :" العنف اللي بنشوفه كل يوم ده مش وليد اللحظة!! ده عنف ممنهج ابتدي مع القطط والكلاب، والتطور الطبيعي انه يوصل للبني آدمين!! قولت قبل كدة ان الرحمة لا تتجزأ، وان العنف يولد عنف و ده مش في صالحنا، بس الناس اتريقت عليا!!! يا تري هنغير من سلوكنا، ولا نكمل قتل في بعض ونخلص؟".
ووجهت نيابة مركز طنطا، مساء أمس، تهمة القتل العمد إلى "م.هـ" مشرف القطار رقم "934 مكيف" "الإسكندرية - الأقصر"، بعد إجباره شابين على القفز من داخل القطار أثناء سيره في قرية دفرة التابعة لمركز طنطا، وذلك لعدم قدرتهما على سداد ثمن التذاكر، كما أمرت بحجز الكمسري 4 أيام على ذمة التحقيقات.
وقال شهود عيان، إنه أثناء مرور رئيس القطار داخل العربات لفحص التذاكر؛ طالب الشابين بدفع قيمة التذاكر وغرامة الركوب بدون حمل تذكرة وإلا النزول من القطار، وقام باصطحاب الشابين إلى باب العربة وأجبرهما على النزول من القطار أثناء مسيره بسرعة عالية مما أدى إلى وفاة أحدهما، فيما توجه عدد من ركاب القطار وشهود العيان إلى مباحث النقل للإبلاغ عن الواقعة.
