كارمن سليمان :فخورة بالمشاركة في مهرجان الموسيقى العربية

الأربعاء 13 نوفمبر 2019 18:04:50
كارمن سليمان :فخورة بالمشاركة في مهرجان الموسيقى العربية

أعربت الفنانة كارمن سليمان عن سعادتها بالتواجد مع جمهور دار الأوبرا المصرية، في حفل أحيته مساء الأحد ضمن فعاليات الدورة 28 من مهرجان الموسيقى العربية.

وقالت كارمن "فخورة وسعيدة إني على المسرح الكبير في دار الأوبرا المصرية، لكن كمان بحس برهبة فظيعة يمكن عشان بحس أن الجمهور اللي بيجي هنا سميع، وإن عليا مسؤولية أكبر بكتير، وساعدوني أفك شوية".

ونشرت كارمن صور من حفلها بالمهرجان عبر حسابها بموقع "انستجرام، وقالت :"من أكتر المهرجانات اللي بحب أبقى مشاركة فيها أولاً لأنه من أكبر المهرجانات في مصر و الوطن العربي، ثانياً عشان جمهور سميع قوي و في قمة الإحترام و الرقي، ثالثاً عشان بقدر أغني فيه تقريباً كل الألوان الغنائية اللي بحبه، رابعاً بقى و ده الأهم إني وانا واقفة على المسرح الكبير في دار الأوبرا المصرية بحس إني في بيتي والجمهور اللي قاعد بيسمعني أهلي. شكراً ليكوا على كل حاجة".

كارمن غنت "حضن دافي"، "كلام كلام"، "طيري يا طيارة" لفيروز، "هدي الليل" لفايزة أحمد، "لما تشوف عيني"، "أنا هنا يا ابن الحلال" لصباح.

وبناءً على رغبة الجمهور قدمت "برضاك" لكوكب الشرق أم كلثوم، وبعدها غنت للست "حقابله بكرا"، ثم "سطور حكايتي" تتر مسلسل "حكايتي"، واختتمت بإعادة "كلام كلام.

كانت فرقة بيت الموسيقى في النجدة الشعبية اللبنانية بقيادة هياف ياسين افتتحت الفاصل الأول من الحفل، وبعدها أطلت الفنانة السورية فايا يونان لتقدم باقة متنوعة من أشعر أغانيها ومن أغاني التراث.