ياسمين علي تتألق بحفلها الأخير في كندا (صور)

أحيت المطربة الشابة ياسمين علي، الأحد الماضي، حفلا غنائيا في ليلة لأم كلثوم، ضمن فعاليات مهرجان العالم العربي في مونتريال بكندا.
وكتبت ياسمين، عبر حسابها على"إنستجرام": "ما بحبش بقى أقعد أقول عملت وخليت.. لا، كل اللي هقوله إني فخورة إني سافرت من مصر ورحت كندا، أولا أمثل بلدي، ثانيا أحيي ذكرى الست العظيمة اللي عاش اسمها لقرن وأكثر وهيعيش أكثر إن شاء الله، وكمان يتغنى أغانيها بالصوت العراقي المخضرم الست المحترمة فريدة محمد علي، والجميلة التونسية عبير نصراوي".
وتابعت: "يعني أغاني بتتغنى بـ3 جنسيات بـ3 ثقافات مختلفة، وفي الآخر كلنا بنجتمع على حبها (أم كلثوم)، وأعتقد إن كل الجنسيات العربية تجتمع على حب أغانيها".
وقالت: "أول مرة في حياتي يتفتح عليا الستارة وأكون قاعدة على المسرح زي أم كلثوم ما كانت بتعمل، وأقوم تقريبًا قبل المقدمة الموسيقية ما تخلص ونغني ميدلي كبير بأحلى ما غنت أم كلثوم، فكرة حلوة عملها أستاذ جوزيف نخلة، رئيس المهرجان، بشكره عليها، فالأول ما كنتش مستوعباها وكنت شايفة إننا كده مش صح، لكن الجمهور حكم وقال كلمته".
وأضافت: "بتمني من ربنا إني في يوم من الأيام إني أعمل حاجه تعيش وتفضل سايبة اسمي بالخير والحب ويتغنالي زي الست العظيمة دي (أم كلثوم )، يا رب أكون بس عرفت أعمل حاجة، وأكون مثلت بلدي بالشكل الصح".