كوكا يبعث برسالة لمواجهة كورونا
بعث أحمد حسن كوكا، لاعب نادي أولمبياكوس اليوناني، برسالة قوية يشير فيها إلى السلوكيات التي يجب على الجميع اتباعها في مصر، لمواجهة تفشي فيروس كورونا المستجد.
ونشر كوكا عبر حسابه الرسمي على موقع التواصل الإجتماعي «تويتر» قائلًا:"احنا شعب جميل والله ودايما في عز الأزمات الناس دايما بتضحك وأحلى افيهات بتطلع".
وأضاف :"من ناحية تانية احنا لازم ندرك أن الموقف بجد خطير وبيزداد خطورة، كل ما في إيدينا اننا ناخد احتياطاتنا، بلاش خروج في تجمعات، وإن أمكن بلاش خروج إلا للضرورة القصوى، احنا هنا بنتمرن في البيت".
وأكمل :"خلينا نساهم ولو بشكل بسيط في تقليل نشر العدوى، انت ممكن تكون حامل المرض وانت مش عارف، ممكن جسمك يقاوم المرض ويقضي عليه، بس تنقله لحد تاني ويتأذي بسببك".
وأتم:" محدش عارف بجد الوضع دا هيستمر لإمتى، واحنا مؤمنين بالله وعارفين أنه لن يصيبنا إلا ما كتبه الله لنا، نأمل أن ربنا ييسر الأمور".
