شاهد..نشوى مصطفى تهنئ محبيها بالكريسماس علي طريقتها الخاصة

الاثنين 1 يناير 2018 04:46:43
شاهد..نشوى مصطفى تهنئ محبيها بالكريسماس علي طريقتها الخاصة
متابعات

هنأت الفنانة نشوى مصطفى، جمهورها ومحبيها بالكريسماس، وذلك عبر حسابها الرسمي علي موقع التواصل الاجتماعي الشهير فيسبوك.

وكتبت نشوي في تدوينه عبر صفحتها قائلة "ولسه لحد النهارده واحد بيقول حرام تقول للمسيحى فى عيده كل سنة وانت طيب.. طيب يامولانا ليا صديقة والدتها مسيحية وهى مسلمة وبتصحى الصبح فى العيد تقول لوالدتها كل سنة وانتى طيبة ياماما،  لاءمش كده وبس دى كمان بتبوس ايدها تخيل حضرتك انها بتبر امها تطبيقاً لامر الله واتباعاً لسنة سيدنا محمد صلى الله عليه وسلم فى حسن معاملة الأم حينما أوصانا بها ثلاث".

وتابعت" وأعرف كمان واحد مسلم مراته

مسيحية بيصحى الصبح يوم العيد يقول لها كل سنة وانتى طيبة مش بس كده ده كمان بيلحقها بكلمة ياحبيبتى، تخيل يامولانا أنه كمان ممكن فى يوم العيد يعزمها على العشا علشان يجبر بخاطرها اتباعاً لسنة سيدنا محمد صلى الله عليه وسلم فى حسن معاملة الزوجة".

واستكملت"يعنى صديقتى اللي بتبر أمها والحاج اللى بيعيد على زوجته حيروحوا النار،  يارسول الله يامن ارسلك الله سبحانه وتعالى رحمة للعالمين ياحب الحب  أغثنا، ياالله يارحيم أحطنا بأنوار وجنود اسمك السلام ".

واختتمت حديثها قائلة"ولكل أصدقائى المسيحيين كل سنة وانتم طيبين كل سنة والكون محبة وسلام  عليكم سلام الله ورحمته وبركاته".