لهذا السبب تصدرت شيرين تريند تويتر

تصدرت الفنانة شيرين عبد الوهاب، تريند "تويتر" مصر، خلال الساعات القليلة الماضية وذلك بعد تداول المتابعين عددا من الأغاني الخاصة بها كان من بينها أغنية "على بالي".
واحتفل جمهور شيرين بعيد ميلادها الأربعين منذ أيام في احتفالية خاصة مستعرضين أهم أغاني ومشوار شيرين الفني منذ بدايتها وحتى الآن.
وفي عيد ميلادها وجهت شيرين عدة رسائل لجمهورها وأصدقائها الفنانين، حيث استهلت شيرين تغريداتها للتعبير عن رضائها وفخرها بمشوارها بعد 20 عاما من العمل في الوسط الغنائي وكتبت: «‏سعيدة وبضحك علشان ببص على كل حاجة بإيجابية، زي إني الحمد لله على مدار ٢٠ سنة مقصرتش في شغلي وعملت شغلي بمنتهى الحب والحمدلله نجحت في كل حاجة عملتها وربنا كان توفيقه كبير».
وخصت شيرين زوجها بتغريدة كتبت فيها: «‏على المستوى الشخصي أنا سعيدة جداً بأحسن زوج في الدنيا لأنه جوزي وأخويا وصديقي وابني وسعيدة ببناتي وعيلتي ربنا يباركلي فيهم وكل جمهوري في الوطن العربي كله اللي بيخليني أحس أن كل البلاد بلدي».
وألحقتها شيرين بتغريدة كتبت فيها «‏كل سنة كان بيكون اليوم ده بالنسبالي يوم حساب أنا عملت إيه ومعملتش إيه وكان لازم أعمل إيه، لكن السنة ديه حاسة إن فيه حاجة مختلفة وأهدافي اختلفت».
ثم عاودت شيرين التغريد عبر تويتر وكتبت «‏سعيدة بنجاحي ونجاح زمايلي وزميلاتي علشان إحنا بنسعد الناس بشغلنا وأتمنى يبقوا بصحة كويسة وبشكر كل إنسان ساعدني في حياتي علشان أوصل للي أنا فيه دلوقتي».