شاهد عيان يكشف حقيقة واقعة رحاب الجمل وباسم سمرة
أوضح مدير التصوير محمد شفيق تفاصيل أزمة خلاف الممثل المصري باسم سمرة ورحاب الجمل، بصفته كان متواجدا في الواقعة التي تحدثت عنها الفنانة رحاب الجمل.
وكتب شفيق عبر حسابه بموقع فيس بوك: "بالنسبه لموضوع باسم السمره ورحاب الجمل اللي خد حجم اكبر من حجمه
انا كنت في القعدة دي بصفتي مدير تصوير الفيلم .
اجتماع للتعارف مش بروفه ولا تصوير .
والكلام اللي أتقال فيه حاجات كتير مش صح .
والحقيقة انه مجرد سؤ تفاهم بين اتنين زملاء عادي .
رحاب عندها سفر وباسم عايز يصور قبل ما يتشغل في المسلسل بتاعه .
اختلفوا ..
باسم قالها ماتسيبي الفيلم يا رحاب وهو متنرفز .. رحاب انسحبت.
كملنا القعدة ومشينا.
ماشفتش زعيق وخناق وامن فندق وحشيش والكلام الفاضي ده.
.. وميصحش نطلع نشتم بعض في البرامج ونشوه صورتنا بايدينا بحاجات محصلتش .
ولو ما حصلش توافق وتناغم بين الناس عادي .. نعتذر عن العمل بهدوء من غير دوشه وبرامج وحواديت وده الهدف من اجتماع التعارف اصلا.
يذكر أن الفنانة رحاب الجمل شنت هجوما على الفنان باسم السمرة ورفضت ذكر اسمه في البداية بسبب تصرفاته التي وصفتها بالغير مسئولة في موقع التصوير وإساءته لزملائه نظرا لحضوره موقع التصوير في حالة سكر دائمة.
وعبر حسابها على فيس بوك، كتبت رحاب الجمل :"الممثل السكران.. لما تبقي سكران وتدخل فرح وتضرب زميل نجم بالكوع ويسامحك لأنه مستغلبك ومستضعفك.. انت بقي تعتبر إن ده حق مكتسب.. وبعدها بحوالي شهرين تدخل حفلة وتشتم وتهين مغني شاب، ويكبر للناس اللي تدخلت في الموضوع ويسامحك بردو تعتبره حق مكتسب".
