أحمد العوضي :اجتماعي مع ياسمين عبد العزيز في اللي ملوش كبير ضغط نفسي
قال الفنان أحمد العوضي، إن تجربة مشاركته مع زوجته الفنانة ياسمين عبدالعزيز في مسلسل "اللي مالوش كبير"، ليس بالأمر السهل.
وأضاف خلال مداخلة هاتفية ببرنامج "كلمة أخيرة" مع الإعلامية لميس الحديدي: "ياسمين طالعة من (ونحب تاني ليه)، وأنا طالع من (الاختيار)، ووجودنا مع بعض ضغط نفسي علينا أكثر من إن كل واحد يبقى لوحده".
وتابع :" قلقان لأني خارج من مسلسل الاختيار، وياسمين طالعة من مسلسل ونحب تاني ليه، وده في حد ذاته ضغط نفسى علينا، ولأننا كمان هنجتمع في عمل واحد، وده تحدي مقارنة بخوض كل واحد فينا عمل منفرد".
وعن شخصية سيف الخديوي التي يجسدها العوضي ضمن أحداث المسلسل قال: "ممكن نسميه قبضاي، مش بلطجي بالمعنى المتعارف عليه، وراجل له ناسه، وأنا عامله لازمة مختلفة ولازمات خاصة بيه.. سيف الخديوي مفيهوش تكشير وهيبتسم كتير في المسلسل".
واختتم قائلًا: "عايزين نقدم للناس حاجة مش متوقعاها، وجديدة وجامدة تليق بأننا مع بعض في مسلسل واحد، والمسلسل إن شاء الله هيبقى في الصفوف الأولى للمسلسلات".
مسلسل "اللي ملوش كبير" للنجوم ياسمين عبد العزيز، أحمد العوضي، محمود حافظ، خالد الصاوي، دنيا عبد العزيز، أحمد عبد الله محمود، أحمد سعيد عبد الغني، إيمان السيد، بدرية طلبة، عايدة رياض وغيرهم، من تأليف عمرو محمود ياسين وإخراج مصطفى فكري.
