هاني شاكر يكشف سر فيديو الضحك الشهير مع أحمد سعد

كشف الفنان هاني شاكر، تفاصيل فيديو الضحك الشهير المنتشر له مع الفنان أحمد سعد، قائلًا: "كنا مونونين جدًا، وجت طبيعي من عند ربنا"، لترد المخرجة إيناس الدغيدي، قائلة: "أنا متأكدة إنك لا يمكن تكون بتاخد حاجة خالص ولا حتى سيجارة ولا حاجه"، ليجيب: "لا خالص".
أضاف "شاكر"، في حواره لبرنامج "شيخ الحارة والجريئة"، مع المخرجة إيناس الدغيدي، على فضائية "القاهرة والناس" الأربعاء: "كنا مبسوطين يوم سيشن التصوير بتاع فيديو الأغنية وكان كل فريق العمل بيضحك وبيهزر ومشغلين الأغنية وفرحانين بيها"، موضحًا: "فكرة عمل دويتو مع أحمد سعد جت كده، وهو كان بعتلي أغاني كتير قبل كده ومن ضمنهم الأغنية اللي قمنا بعملها دويتو".
وتابع: "جربت أشوف أصواتنا هيليقوا على بعض ولا لأ، ولكن قدام شوية بيحضرلي حاجات ليا أنا"، مؤكدًا: "سعيد بالتجربة مع أحمد سعد وبحب صوته جدًا وأحمد طيب وجدع جدًا بس مشاكله الشخصية أثرت عليه في الفترة الأخيرة".