قبل عرض الحلقة الأخيرة.. علي ربيع يوجه رسالة لجمهوره
حرص الفنان علي ربيع على توجيه رسالة إلى جمهوره قبل ساعات من عرض الحلقة الأخيرة من مسلسله "أحسن أب".
وكتب "ربيع" عبر حسابه على موقع "إنستجرام": "مين اللي ممكن يكسب المسابقة؟ انتظرونا الحلقة الأخيرة الساعة ٦:٣٠ على قناة الحياة".
أضاف: "مسلسل أحسن أب مش مسلسل كوميدي بس، لا مسلسل فيه رسالة مهمة جدا أتمنى تكون وصلت، وبكرة تكمل إن شاء الله".
وتابع: "طبعا عايز أشكر أولا الجمهور الكبير في مصر والوطن العربي اللي دايما معايا، وبشكر كل الممثلين الكبار في مسلسل كلكم كنتوا جامدين جدا، وعايز أشكر كل الناس اللي مبخلتش بأي مجهود عشان المسلسل".
واصل: "بشكر كل الناس اللي وقفت معايا ومع المسلسل حتى لو بكلمة كويسة، واللي موقفش معايا مش عايزك تقف معايا".
مسلسل "أحسن أب" بطولة علي ربيع، هشام إسماعيل، هالة فاخر، هاجر أحمد، إيمان السيد، محمد الصاوي، حسام داغر، أحمد الشامي، مراد مكرم، محمد عبده، أحمد التهامي، أحمد بسيوني والطفل كريم حسين، تأليف أحمد محي ومحمد المحمدي، إخراج معتز التوني.
