محمد رمضان يطرح ثابت على اليوتيوب

أعلن النجم محمد رمضان، عن طرح أحدث كليباته "ثابت" عبر قناته الرسمية بموقع يوتيوب.
ونشر "رمضان" مقطع فيديو، عبر حسابه الرسمي بموقع "إنستجرام"، قال :"صباح الخير، صحيت من النوم انهارده فتحت الواتس أب، لقيت محمد سامي بعتلي كليب ثابت بعد ما اتلون، وبيقولي هتنزله على اليوتيوب أمتى، قولتله والله أنا ويوتيوبي، وإنستجرامي وفيسبوكي، ولحم كتافي ملك جمهوري، الوقت اللي جمهوري عايزني أنزل فيه الكليب هنزله".
وأضاف :"محمد سامي قالي أنا شايف إن يوم الجمعة أنسب ميعاد، علشان الناس هتبقى في إجازات وهيتشاف كويس، قولتله والله الشعبيين اللي زي حالتنا والصعايدة والفلاحين لما يبقى في إيديهم حاجة تسعد الناس بينزلوها على طول ما بيستنوش، فا أدخلوا دلوقتي على قناتي على يوتيوب هتلاقوا كليب ثابت، مستورة".
وكان آخر أعمال محمد رمضان مسلسل "موسى"، بطولة سمية الخشاب، سيد رجب، رياض الخولي، ومن إخراج محمد سلامة.