هكذا رد أحمد سعد على انتقادات صورته مع مصطفى حسني
رد الفنان المصري أحمد سعد عبر حسابه الرسمي بموقع "انستجرام" على انتقادات صورته مع الداعية مصطفى حسني .
ونشر "سعد" صورة جديد مع مصطفى حسني، وعلق قائلًا: “الجمعة اللي فاتت قابلت الشيخ مصطفى حسني بعد صلاة الجمعة واتصورنا مع بعض ونزلت الصورة ، حكم الناس وتعليقاتهم كان هجومي جدًا وكأن الجنة والنار اجتمعا مع بعض في صورة واحدة”.
وتابع:"قد ايه فرحني الشيخ مصطفى حسني لما قابلته الجمعة دي كمان وسألته اوعى تكون التعليقات ضايقتك ولو حابب اشيلها، قالي ازاي بتقول كده أنت صحبي وحبيبي ويلا ناخد صورة كمان.. بيفرق أوي أن يكون في ايدك تكتب تعليق يجرح ويضايق حد.. وإنك يكون في ايدك كلمه حلوة تفرح بيها حد حتى لو مختلف عنك".
واختتم حديثه:"شكرًا يا شيخ مصطفى حسني على انفتاحك وتقبلك للآخرين زي ماهم وده دليل كبير أوي أنك حقيقي وأن المواعظ والمحبة اللي بتتكلم عنهم في خطبك حقيقي مش كلام بس، وياريت كلنا نتعلم نتقبل الآخرين أو على الأقل مانجرحش فيهم لمجرد اختلافنا عنهم وإن علاقتنا بربنا شيء خاص جدًا".
أحمد سعد طرح مؤخرًا أغنية "الملوك" مع مطربي المهرجانات عنبة ودبل زوكش، إنتاج شركة "جاما ميوزيك" لمحمد جابر، والكليب من إخراج حسين شعبان.
