فنانو مصر يهاجمون حلا شيحة بعد تصريحاتها الأخيرة
هاجم عدد من نجوم الفن المصري، حلا شيحة بعد تصريحاتها الأخيرة عن النجم تامر حسني وفيلم "مش أنا".
وكتبت الفنانة راندا البحيري عبر صفحتها بموقع "فيس بوك" قائلة:"هو محدش فهمها أن اللى بتعمله ده ممكن يعرضها للمساءلة القانونية، وأنها بتضر بسمعة فيلم وبالتالى إيراداته؟.. بتتكلم عن ممثل ونجم بحجم تامر حسنى بالشكل ده أكنها أحسن منه، وإحنا كلنا عارفين الخير اللى بيعمله تامر طول عمره، فى الخفاء وفى العلن على إيدينا كلنا، فضله على ناس كتير أوى، وربنا جعله سبب لفتح بيوت قد كده، وهى تنصحه، لا والله هم يضحك".
وأضافت في منشور آخر:"هو محدش قال لحلا أن باب التوبة من موجود على الانستجرام".
وتابعت:"هو برضه اللي مضطرب.. والله كانت صعبانة عليا في الأول بس كده صعب أوي حد ياخد منها الموبايل بسرعة".
من جانبه، كتب المخرج ماندو العدل عبر حسابه الشخصي بموقع فيس بوك :" ياريت بس لما تطلقي مترجعيش تقولي عايزة أمثل تاني يا أستاذة حلا".
وعلقت الفنانة منة فضالي على منشور "العدل"، وقالت:" لا تعليق لأن تعليقي هيكون جارح".
وأضافت:" مش تجريح بس مينفعش قبل الجواز كلام، وبعد الانفصال كلام، وجواز تاني كلام ونجرح في الزملاء، اللي ملهومش ذنب، هو حد ضربها على إيديها، تصور المشاهد دي، وبعدين ترجع تقول كلام تاني".
الشاعر خالد تاج الدين، قال عبر صفحته بموقع فيس بوك:" ربنا يثبتك بس وتحلي عننا بقى، ما هو مترجعيش تعملي شوية فلوس زي الفل، وبعد كده تشتمي الفن، وياريت تتخلصي من كل الفلوس اللي قبضتيها في السنين اللي رجعتي مثلتي فيهم علينا".
فيما كتب الفنان خالد سرحان:" اللي ميحترمش الفن يرجع الفلوس والفلل اللي كسبها من الفن وساعتها هصدقه".
وعبر المنتج والسيناريست المصري محمد العدل عن استيائه من تصريحات حلا، وقال عبر حسابه بفيس بوك:"اللي عملتيه شايفاه حرام هتصرفي فلوس حرام؟ رجعي الفلوس".
وتابع في منشور آخر:"عفوًا أفتخر بانتمائي للفن والفنانين".
وأثارت حلا شيحة الجدل في الساعات الماضية بعد إعلان تبرأها من فيلم "مش أنا" وهجومها على النجم تامر حسني.
