مي حلمي تهاجم تامر شلتوت لهذا السبب
هاجمت المذيعة المصرية مي حلمي، زميلها المذيع والفنان تامر شلتوت، بعد نشره لصورتهما معًا وانتشار شائعات عن علاقة عاطفية تجمعهما.
ووجهت مي رسالة لـ "شلتوت" عبر خاصية "الأستوري" بحاسبها على انستجرام، وقالت:" كل واحد عاوز يركب التريند ومبياخدش باله من أذيته لغيره بحب زمايلي وبحترمهم جدًا لكن مش طبيعي بعد إعلاني لارتباطي بيومين تيجي تتصور معايا في الطيارة بالصدفة وتحط قلب على الصورة وتسيب عنصر التشويق للجمهور مافيش إحساس بالغير؟".
وتابعت: "كان ممكن زي ما وضحت للناس بعد سبع ساعات كنت تكتب صدفة حلوة زميلتي مي أوقع، أنا بحب الكل ومبحبش أشوف الناس وحشة".
وأكملت: "ماكنتش مستاهلة القصة عشان حبة أخبار مالهمش لازمة غير أنهم يضروني في نفسيتي مش أكتر وقت فرحتي، معرفش كان المفروض اتصرف ازاي كنت أرفض الصورة".
واختتمت موجهة رسالة لجمهورها: "إلى عيلتي العزيزة المحبة مانزلتش أخبار من عندي ماتصدقوش غيري وأرجوكم احترموا قراري في أني أعمل بيت وعيلة في هدوء دون زحام البشر".
وكان تامر شلتوت أثار جدلًا كبيرًا في الساعات الماضية، بعدما نشر صورته مع مي حلمي واكتفى بالتعليق عليها بوضع "إيموجي قلب"، إلا أنه عاد ووضح الأمر، وكتب عبر حسابه بموقع فيس بوك :"أنا مسافر لشغل في شرم الشيخ و قابلت( الزميلة) مي صدفه في الطياره..بس كده".
