بعد رسالتها للجمهور.. إيمان الحصري تريند

تحول اسم الإعلامية المصرية إيمان الحصري لـ "تريند" على محرك البحث العالمي جوجل، عقب رسالتها الأخيرة لجمهورها بعد فترة غياب طويلة بسبب مرورها بأزمة صحية.

وكتبت "الحصري" عبر حسابها الشخصي بموقع فيس بوك:" أول مرة أكون قادرة اكتب علي فيس بوك من شهور، مش عارفة أقولكم ايه علي كم الاهتمام والدعم والحب اللي شوفته وسمعته وقريته في كل كلمة وكل دعوة من القلب، الدعاء الصادق اللي لولاه مكنتش هبقي موجودة دلوقتي، ناس كتير أوى نفسي أكلمها وأقولها شكرًا بجد على حبكم ومساعدتكم ودعائكم ومشاعركم الطيبة وصلت ودائمًا كانت وما زالت بتهون عليا، إن شاء الله عندي ثقة كبيرة أني هعدي التجربة الصعبة دي علي خير لأن الحقيقة ما زلت فيها لسة مخرجتش ولسه محتاجة دعواتكم".

وتعرضت إيمان الحصري لأزمة صحية قبل أشهر عقب خطأ طبي حدث لها أثناء خضوعها لعملية جراحية، ولاتزال تواصل العلاج حتى الآن.