بعد إصابتها بكورونا.. آخر تطورات الحالة الصحية لـ ريهام سعيد
شاركت الإعلامية المصرية الشهيرة ريهام سعيد جمهورها ومتابعيها عبر حسابها الرسمي بموقع "فيس بوك" بفيديو من داخل المستشفى الذي تتلقى فيه العلاج بعد إعلان إصابتها بفيروس كورونا.
ووجهت "ريهام" الشكر لجمهورها وطلبت منهم الدعاء، وعلقت على الفيديو قائلة:" أنا مش عارفة اشكركوا أزاي على دعاءكم، أنا محتاجة دعاءكم جدًا لحد بعد بكرة ميعاد الأشعة، ربنا يخليكوا ليه أنتوا بجد سند وضهر دعاء 40 غائب بيعمل فرق، والدعاء بيرد القدر جميلكوا عى راسي من فوق".
يذكر أن ريهام سعيد أعلنت الخميس الماضي إصابتها بفيروس كورونا، وكتب عبر "انستجرام" :" بقالي أسبوعين بعاني من كورونا والحمد لله الرئة أتاثرت واتحجزت في المستشفي من شوية، إحساس غريب وأنت عندك حاجة مميتة، بتراجع نفسك كتير وتحاسب نفسك كتير، اكيد غلطت لكن عمري ما قصدت كان دائما الغرض نفع الغير و اظهار الحقيقه، شكرا يا رب علي حبك ليه و شكرا علي ابتلاءتك الكتير الي بتدل علي اهتمامك بيه، اذا كانت دي النهايه يا رب احسن خاتمتي واحسب لي كل عمل عملته لوجهك الكريم يا رب أنت الوحيد اللي عارف أنا عملت ايه وكانت نيتي دائمًا ايه".
وأضافت:" استحملت وصبرت علي افترا و ظلم كتير، يا رب اغفر لي وسامحني وخلي بالاك من أولادي، اذا كان ده اختبار من اختباراتك ولسه في العمر بقيه يا رب اشفيني واقف جنبي وسهل عليه محنتي أنا راضية بأي شيء، نصيحة لكل واحد بيهاجم مشهور أو ناجح أنت بتاخد ذنب رهيب أنتوا بتاخذوا من اعصابنا وصحتنا وكله علي باطل خلي بالكوا الأذية دي وحشة اوي وهتقعد لك في أعز ما عندك، ارجو الدعاء بالخير ليه أي كان هو ايه".
