أول تعليق من حمو بيكا بعد منعه من الغناء في مصر
في أول تعليق له بعد قرار نقابة الموسيقيين المصرية برئاسة الفنان هاني شاكر بوقفه عن الغناء بجانب عدد من مؤديى المهرجانات، قال حمو بيكا مغني المهرجانات فى بث مباشر عبر صفحته على "فيس بوك": "بشكر نقابة المهن الموسيقية ليكم الاحترام والتقدير، أنا فرحان وسعيد لأنى بسمع نفس القرار بقالى 5 سنين.. اتكلمت كتير وتعبت واتعملى قضايا ومحاضر.. أنا معايا ناس فاتحة بيوت كتير".
وأضاف بيكا: "ناس كتير لا تصلح للغناء وبيغنوا ومعاهم كارنيه النقابة.. مش هقول أسماء عشان دول صحابى وواكلين مع بعض عيش وملح.. أنا صوتى عاجبنى وعاجب الناس وبيسمعونى خدوا رأيهم قرار الوقف.. لو مش عايزينا نبطل غنا ".
وتابع بيكا: فى حفلات الساحل الشمالى التصريح بتاعى بـ 15 ألف جنيه كنت بدفع ومابتكلمش.. الناس بتستقبلنا برة مصر أحسن استقبال.. عايزنا نشتغل برة مصر ونسيب بلدنا".
واستكمل: "فى اختبارات نقابة الموسيقيين قدمت فيش بتاعى ونضيف الحمد لله وغنيت أغانيا ومع ذلك سقطت".
يذكر أن نقابة الموسيقيين في مصر، أعلنت أمس قائمة بأسماء الممنوعين من الغناء وسط جدل كبير حول معايير وأسباب المنع، وجاء في القائمة:" حمو بيكا، حسن شاكوش، كزبرة وحنجرة، مصطفى زكريا الشهير بمسلم، أبو ليلة، أحمد قاسم الشهير بـ فيلو، أحمد موزة، حمو طيخة، شواحة، ريشا كوستا وسمارة، ولاد سليم، العصابة، الزعيم، علاء فيفتى، فرقة الكعب العالي، مجدي شطة، وزة، شكل".
