بعد منعه من الغناء.. محمد ضياء: حمو بيكا أخد أكتر من فرصة
علق الملحن المصري محمد ضياء عن الأزمة الدائرة بعد منع 19 من مؤدي المهرجانات من الغناء في الحفلات بمصر.
وقال ضياء عبر حسابه على موقع "فيس بوك "الحقيقه انا ماعنديش كلام يتقال او رد على الناس اللى مش فاهمه حاجه وبتتكلم في موضوع وقف اغاني المهرجانات والكلام اللي بيتقال ده"
وتابع:" بجد حاجه تضحك . الناس بتتكلم على نوعيه الاغاني وسايبين المهم . اللي هو .. الاصوات لاتصلح للغناء ولا حتى الاداء . وهو ده من اهم ادوار النقابه . بان الصوت يعتمد او لا يصلح للاعتماد . وانا كنت من ضمن لجنه القيد في اختبارات النقابه و هاني شنودة وسامي الحفناوي من خارج مجلس ادارة النقابة".
وأضاف:" وحاولنا كثير بكافه الطرق اثناء الاختبار نعطي اكثر من فرصه لهؤلاء الأصوات وعلى رأسهم حمو بيكا . ولكن للاسف كل المحاولات باءت بالفشل . يعني الناس دي اخذت فرصتها بجد . واعتقد ان هاني شاكر ورد النقابه قال كل حاجه ممكن تتقال".
واختتم حديثه قائلًا :"ملحوظة : الاستاذ طارق الشناوي بيقول ان في صحفيين بيمارسوا مهنه الصحافة وهم مش اعضاء نقابه وبيكتبوا من خلال السوشيال ميديا، طيب ماهو في مطربين مهرجانات برضه بيغنوا على السوشيال ميديا وهم مش اعضاء، وفي النهايه لايصح غير الصحيح".
وأعلنت نقابة المهن الموسيقية أسماء الممنوعين من الغناء في مصر، وشملت: حمو بيكا وحسن شاكوش وكزبرة وحنجرة ومصطفي زكريا الشهير بمسلم وأبو ليلة وأحمد قاسم الشهير بـ"فيلو" وأحمد موزة وحمو طيخة وريشا كوستا وسمارة وشواحة وولاد سليم والعصابة والزعيم وعلاء فيفتى وفرقة الكعب العالى ومجدى شطة ووزة وشكل وعمرو حاحا.
