من حفلها بدبي.. ماجدة الرومي توجه رسالة مؤثرة للبنانيين (فيديو)
أشعلت النجمة ماجدة الرومي مسرح دبي للإعلام في حفلها الغنائي مساء أمس الخميس وسط عاصفة من تصفيق الجمهور، وتألقت النجمة اللبنانية بفستان باللون الأحمر البرّاق.
وغنت ماجدة لجمهورها أغنيات:" كلمات"، "اسمع قلبي"، "أنت الملك قلبي" ومن الطرب الأصيل غنت "أنا كل ما قول التوبة"، وإلى جانب الأغنيات التي قدمتها على المسرح وتفاعل معها الجمهور، توجهت ماجدة بكلمة للمغتربين اللبنانيين، رحبت في البداية بالحضور العربي، وقالت :"بيسعدني وبشرفني وبيسعد مجموعة الموسيقيين اللبنانيين اللي معي اليوم انه نرحب باللإماراتيين والعرب الغاليين الموجودين بيناتنا اليوم وبشكل خاص برحب باللبنانيي الموجودين هون"، وتابعت "والله اشتقنالكن واشتاقتلكن بيروت، كنت بحب أحملكن أخبار طيبة أو عايدكن بعيد الاستقلال بس انتوا وأنا منعرف إنوا لبنان قراره محتل من العام 1975، 46 سنة ونحن من محتل للتاني لخاين للتالت، ما بتخلص قصصنا".
وأضافت بكلمات متأثرة:" نحن عم نتعرض لأعنف عملية تجويع وتخويف وتهجير وقتل مجاني، معنوي ومادي وجسدي تعرضله الشعب 46 سنة وبعدنا صامدين".
وتابعت ماجدة الرومي كلمتها :"رغم الخنقة العنيفة يلي تعرضنا لها كل هالسنين، ربيناكم وخرجناكم من أحسن مدارس لبنان وجامعاتها، ولاد بترفعوا الراس وبتفتحوا القلب"، وسألت "أنتوا متغربين؟ لا أنتوا بعدكم ضمن الوطن العربي الأكبر اللي نحن مننتمي إله وحاملين هويته، نحن ضمن الخليج العربي، يلي بتعنينا سيادته وحريته واستقلاله قد نور عينينا.. نحن بالإمارات وشو الامارات وشو نحن، صار فيها إلنا أهل وناس أكتر من ما في بلبنان"، ووصفت دبي بمدينة المستقبل، "شو أحلى أنوا تكونوا بدبي تحوطوا ايديكم بإيدين الناس اللي عم تعلي وتعمر، تحوطوا ايديكم مع ناس كبار بتشجر الصحراء".
وأكملت :"شو أشرف من أنكم تساندوا شهداء الداخل اللبناني، أهلكم وناسكم، أنتوا السبب لنحن لنصمد جوا.. أنتوا عساكر بالجيش اللبناني، عم تدافعوا بالثقافة والفنون الجميلة.. عن لبنان اللي ما منتنازل عن سيادته".
وختمت حديثها قائلة:" بضم صوتي لصوتكم لنتمنى للإمارات بعيدها الوطني دوام التقدم والازدهار.. الأمن والأمان والاستقرار".
