لأول مرة.. حسين فهمي يكشف أسباب انفصاله عن فاتن موسى

حل الفنان المصري الكبير مصطفى فهمي مساء أمس ضيفا على برنامج "الحكاية" تقديم الإعلامي عمرو أديب المعروض على قناة MBC مصر، وكشف لأل مرة عن أسباب انفصاله عن زوجته الإعلامية اللبنانية فاتن موسى، وتحدث عن خلافاتهم الأخيرة، وحقيقة ما حدث.

تفاصيل الأيام الأخيرة في الزواج

وأكد مصطفى فهمي أنه يرى الطلاق شيئا صحيا، عندما تصل الحياة لمرحلة عدم القدرة على التفاهم، لافتًا إلى أن الصور التي كانت تُنشر على مواقع التواصل الاجتماعي وتجمعه بزوجته فاتن موسى، وقتها كان يظهر فيها مبتسما وسعيدًا لأنه أمام الناس.

وتابع:" لما بنكون قدام الناس لازم نضحك ومش معناه انك في بيتك سعيد، بتروح البيت بيحصل الخناق، واخر سنتين كانت كده، الكوباية بتتملي لحد ما بتيجي القشة الأخيرة بتوصل لمرحلة انك مش قادر تكمل".

السبب الحقيقي للطلاق

وأضاف مصطفى: "القشة الأخيرة كانت لما حصل بيني وبينها مشكلة قبل سفرها للبنان لحضور خطوبة أختها، وقتها كان فيه ضرب في لبنان وقررت عدم السفر، وكان أخوها يجلس في بيتي قبلها بأسبوع، وعندما صرحت بعدم رغبتي في السفر وقعت الخناقة، وكانت كبيرة لدرجة أن اخوها قال كده مينفعش انزلوا اتطلقوا بقى، قالت انا مش هتطلق أنا أطلق وانا اللي اخد قرار الطلاق".

وأكد فهمي أن تعبير فاتن الأخير جعله يقرر في نفسه داخليا أن الطلاق والانفصال سيقع وأن الحياة بينهما لن تستمر، وردا على اتهامها له بأنه غدر بها لعدم قيامه بإخبارها بوقوع الطلاق، قال "لأ قلت وقبل ما تسافر كانت عارفة، الغدر هو اللي بيحصلي أنا دلوقتي، التشهير والسب والقذف اللي بيحصل على السوشيال ميديا، فيه أسباب كتير الكوباية اتملت مش من الهوا".

لماذا اختار الطلاق الغيابي؟

وقال مصطفى فهمي إنه اختار طريقة الطلاق الغيابي، في الوقت الذي كانت فيه زوجته بلبنان، حتى تكون وسط أسرتها، لأنه إذا طلقها وقت وجودها في مصر لن يكون بجوارها أحد فكل أسرتها في لبنان.

وأضاف:" قررت أن يكون الطلاق وهي في لبنان لان ملهاش حد في مصر، لما حصل كنت عارف عواقب الطلاق الغيابي، لكن رغبة مني انها تكون في وسط بيتها في وسط أهلها، هنا مين هيحتويها، وهيحصل صويت، لكن الطلاق مكنش مفاجأة إذا كان اخوها قال قبل السفر بليلة روحوا اتطلقوا".

وتابع: "مكتب المحاماة الخاص بي نزل بيان بعد الطلاق، وقلنا فيه إن كل متعلقاتك موجودة والمؤخر بتاعك موجود مقلناش الرقم، وعربيتك اللي جايبهالك هدية موجودة، من فضلك لما تيجي القاهرة أو مندوبك بلغينا في المكتب".