شريفة ماهر تفتح النار على نجلها من جديد: زارني حتى يصيبني بفيروس كورونا
عادت الفنانة المصرية شريفة ماهر للتحدث عن أزمتها مع نجلها شعبان شوقي، فبعد اتهامه بالاستيلاء على أموالها وممتلكاتها، قالت إن ابنها كان مريض بفيروس كورونا وزارها لكي ينقل لها العدوى.
شريفة ماهر تكشف خطة نجلها
وأضافت شريفة ماهر خلال لقائها مساء أمس ببرنامج "مضمون الكلام"، مع الإعلامية نجلاء أحمد، عبر فضائية "الحدث اليوم"، أن نجلها حاول أن يصيبها بفيروس كورونا لكي تموت، وقال لزوجته: "هروح عند امي عشان تاخد أصابه كورونا وتموت".
وتابعت مستاءة:" عملتلك إيه حد يقبل كده على أمه، يخربيت الفلوس والأموال كلها اللي تخلي ابن يبيع أمه بالطريقة دي.. أنا أمي ميته في حضني".
وأكملت:" كل الناس ولادي.. وأنت مش هيهون عليك تسيب أمك معهاش فلوس تجيب دوا.. بس الكدب دا بيموتني.. وناهد بنتي ادتها مليون جنيه.. وأنا مش عايزة منهم حاجة".
وحاول الشيخ أحمد الدريمي الصلح بين الفنانة شريفة ماهر وابنها، لكن الفنانة رفضت وهددت بترك الأستوديو لأنه أهانها وهي لا تقبل منه أي صلح.
وهو الأمر الذي أجبر مقدمة البرنامج "نجلاء أحمد" على التدخل وحل الموقف وقالت: "لا تتركي الاستوديو يا استاذة شريفة" واستكملت الحلقة مع أحد علماء الأزهر الشريف.
بداية أزمة شريفة ماهر مع نجلها
وظهرت أزمة شريفة ماهر مع نجلها على السطح حينما حلت ضيفة على برنامج "90 دقيقة" على قناة المحور تقديم الإعلامية بسمة وهبة، وقالت إن نجلها استغلها إصابة عينها، وعدم قدرتها على الرؤية جليًا، فجعلها توقع على عقود لا تعلم محتواها.
وعن ابنتها ناهد، صرحت:" مش حنينة، وقلبها جامد علىّ، أجمد من إخواتها، دى ما سألتش علىّ، وشريف طول عمره بيحب الفلوس أكتر من أبوه وأمه، بيعبد القرش".
وعن مشكلاتها مع أبنائها، أضافت:" وزعت جزءا كبيرا من ميراثى، شريف وطارق شتمونى، شريف زقنى مرتين ودراعى اتكسر من 4 سنين، ولادى أخدوا كل اللي حيلتى".
وتابعت: "مش هشتكيه، ربنا هيجيب لى حقى، أبوه قبل ما يموت قال لى هأمّنك عشان شريف لما أموت هياخد منك كل حاجة، وفعلا طول عمره بيعبد الفلوس، وما كنتش أتخيل إنه يعمل فىّ كده، ده بقاله 9 شهور ما قاليش انتى فين".
واختتمت بأسى: "ده طردنى من شقتى الإيجار، ودلوقتى قاعدة فى عمارة كاتباها باسم بنتى نيفين، وحد قال لى إن شريف طلب الفيلا من الشهر العقارى رغم إن نيفين مسجلاها، وفعلا استولى عليها وخان الأمانة".
