كل ما تريد معرفته عن انتحار نور الدين موظف شركة Teleperformance.. مديره وبخه ورفده من العمل

حالة من الحزن والاستنكار قابل بها رواد مواقع التواصل قصة انتحار موظف يدعى نور الدين موظف شركة Teleperformance، جراء توبيخ مديره ما أثار ردود أفعال واسعة عبر منصات التواصل، فما سبب انتحار نور الدين موظف شركة Teleperformance؟

تفاصيل انتحار موظف شركة تيلي بيرفورمانس

نشر أحد زملاء الشاب نور الدين موظف شركة Teleperformance علي جروب كول سنتر عبر فيس بوك قائلا : "نور تم استدعائه الأسبوع الماضي من طرف مديره المدعو محمد سامح عبدالكريم، وإبلاغه بخصم أربع أيام من مرتبه، لأنه دائم دخول الحمام كتيراً، لظروف صحية.

وأَضاف أن المدير "تحدث مع نور بطريقة مهينة جداً ، وكان في تعمد لإجباره علي الاستقاله".

تابع: "وللأسف نور كان مضطر يستحمل يقعد الفترة دي ، لأنه هيقبض البونص بتاعه في شهر فبراير اللي جاي . لكن محمد باشا صمم يرفد نور قبل ما السنة تقفل، ويحرمه من البونص".

سبب انتحار نور الدين موظف شركة Teleperformance

واصل متحدثا عن سبب انتحار نور الدين موظف شركة Teleperformance: "نور كان عامل حسابه علي المبلغ ده في سداد ديون عليه كتير، وده اللي حصل بينهم ، وتم إبلاغه بقرار الرفد ، اللي أنا متأكد أنه هيختفي من الورق دلوقتي علشان سمعة الشركة".

وقال: "نور ماستحملش ونفسيته كانت منهاره ، ومكنش قادر يواجه مراته وأطفاله، وأسودت الدنيا في عنيه، وقرر ينتحر و رمى نفسه من الدور التالت في الشركة ومات، دي التفاصيل اللي موظفين الشركة خايفين يتكلموا فيها أو ينشروها، وأن الأستاذ محمد سامح عبد الكريم ،كان السبب المباشر في انتحار نور.

وواصل موجهاً حديثه لمحمد عبد الكريم : "أنا لسه معرفش عنك حاجة، بس بوعد حضرتك ، أن صورتك هتكون منورة في كل صفحات مصر بعد ساعات"

زميلة نور الدين موظف شركة Teleperformance تكشف المزيد من الأسرار

نشرت فتاة تدعى روشان بغدادي مقطع فيديو لها روت خلاله سبب انتحار نور الدين موظف شركة Teleperformance قائلة: "في حاجة حصلت ولازم العالم كله يعرف اللي حصل، من يومين واحد في الشركة نط من الدور الثالث عشان ينتحر، ونط ومات في ساعتها".

تابعت باكية: أنا كنت واقفة جنبه وهو بياخد آخر نفس في المكان، أنا لحد دلوقتي مش عارفة أقوم من السرير ولا أدخل المكان تاني، قائلة: "يا جماعة أنتم كتيم ليدر أو مديرين حطوا نفسكم مكان أي حد، أنت مسؤول، لازم تحسوا بالناس اللي تحت إيديكم".

وواصلت بغدادي: "الموظف بيقضي معاك وقت أكتر ما بيقضي في بيته، بتعاملوا الناس على إنه عبيد، إحنا مش عبيد، زي ما أنت عاوزه يتعامل مع الزبائن وبتعاطف معاهم، أنت كمان لازم تشوف مشاكله فين وتتعاطف معاه".

أضافت: "الراجل كان واقف جنبي وهو بيموت، بتاع الأمن بقوله ربنا يرحمه فرد عليه وقالي "الله وأعلم، أنتي مين عشان تقولي ربنا يرحمه ومين ربنا ميرحموش".

قالت: "مش هتكون مدير شاطر وأنت بتدوس على الناس، أوعوا تستهونوا بمرض الاكتئاب، اللي بيهزر ويضحك معاك بيروح ياخد دواء عشان بس ينام".

يشار إلى أن قسم شرطة التجمع الخامس، تلقى بلاغًا مفاده انتحار موظف داخل شركة بدائرة القسم، وبالإنتقال والفحص عثر علي جثة موظف يدعي نور، ملقاة علي الارض.

كشفت التحريات مرور نور الدين موظف شركة Teleperformance بضائقة مالية، بالتزامن مع توبيخ مديره له قام بالانتحار بالقاء نفسه من الطابق الثالث.