اعتبرني ابنك.. حمو بيكا يعتذر لـ هاني شاكر من جديد
من جديد عاد مغني المهرجانات المصري حمو بيكا لتوجيه رسالة اعتذار للفنان هاني شاكر نقيب المهن الموسيقية بمصر، ومطالبته بالسماح له بالعمل والحصول علي تصريح بالغناء، وكتب عبر حسابه بموقع "فيس بوك" :"الاستاذ هاني شــاكر (نقيب المهن الموسيقية و أمير الغناء العربي ) بعتذر لحضرتك ولكل نقابة المهن الموسيقية عن كل ما صدر مني".
وتابع :"واستسمح حضرتك أن تقبل اعتذاري انت وكل استاذتي في النقابة ..انا مكنتش طالب اكتر من اني اشتغل ومش طالب اكتر من التصريح السنوي لإني عايـز اشتغل واشوف شغلي وحياتي .. اتمني ان تقبل اعتذاري وتعتبرني ابن من ابنائك ".
وفي منشور اخر دافع بيكا عن مغنيين المهرجانات، نافيا عنهم تهمة إفساد الذوق العام، وكتب:"دايما بتقولي علي مؤدين المهرجانات بينشرو الفساد وبيبوظو الجيل والذوق العام .. بس للاسف ده كله بيبقي هري وقطيع بيمشي ورا كلام ناس مش بتحب تبين الحلو في الناس ودايما بيدورو ازاي يحبطو الشباب واحلامهم "
وأضاف :"قولولي ازاي هنكون بنفسد الذوق العام واحنا عاملين مهرجان بنوعي فيه الشباب البعض عن المخدرات والكيف والادمان ؟ ومش كده بس لو دورتو هتلاقوو كتيير من اغاني اللي بتقدم رسالة كويسة للشباب .. مش بننكر ابدا ان زمان كان في مهرجانات فيها كلام مكنش ينفع يتقال .. بس ده كـان عصر وانتهي وكانت قصص افلام اتعرضت بالفعل علي التليفزيون والسنيمات".
وأحيا حمو بيكا مؤخرا حفلا غنائيا بالسعودية في موسم الرياض، وشارك بعدها جمهوره ومتابعيه عبر حسابه بموقع انستجرام"، بمجموعة صور وفيديو من داخل الحرم المكي خلال أداء العمرة، وعلق علي الصور عبر حسابه قائلا:" الحمد لله وربنا يتقبل منا ومنكم.. يا رب متحرمنا من شوفة الكعبة ابدا".
