أزمة بين أبناء المطرب الراحل شعبان عبد الرحيم بسبب الميراث
قال الفنان عدوية شعبان عبد الرحيم، نجل المطرب الشعبي المصري الراحل، إن شقيقه "عبد الرحيم" غير مدرك للأمور ولا يفهم ما يقوله.
جاء ذلك في معرض رد "عدوية" على تصريحات شقيقه عبد الرحيم والتي اتهم فيها شقيقه الثالث عصام بعدم تسليمه جزء كبير من ميراث والدهم الراحل.
وأضاف عدوية في تصريحات له: "إحنا معندناش خلافات على الميراث، لأن الورث بتاعنا من أبونا كله عقارات، ومفيش حاجة اتباعت منها حتى الآن، وإزاي واحد فينا ما خدش ورثه طالما إحنا ما بعناش"، متابعًا : "عبد الرحيم لما عمل المداخلة في التليفزيون يا إما مش فاهم اللي بيقوله، أو حد قايله يقول الكلام دا، يا إما اتجنن، واحنا مش ولاد حرام علشان نتخانق مع بعض مهما كانت الدنيا حلوة أو وحشة".
وأضاف: "إحنا عاملين إعلام وراثة لو حد عاوز يبيع حاجة يجيب زبون، وحتى لو حد مننا اتخانق مع التاني مش هيبقى على الورث، لأن الأملاك كلها موجودة أصلا، فأبويا اتوفى وجاءت كورونا بعد وفاته بـ3 شهور والدنيا وقفت في البيع، إحنا بعنا الفيلا بس اللي كان قاعد فيها إبويا، وكل واحد أخد حقه منها وعبد الرحيم أخد نصيبه".
