أصالة تكشف كواليس سرقة علبة مجوهراتها
كشفت النجمة أصالة عبر منشور على حسابها الشخصي بموقع التواصل الاجتماعي "إنستجرام"، عن تعرضها لواقعة سرقة مجوهراتها عقب إحياء حفل في أمريكا.
وكتبت أصالة عبر حسابها على إنستجرام: "الحمد لله الهدف من الرحلة لأمريكا تحقق وعملت أحلى حفلات بالحياة وأسعدت ناس بالآلاف، وأنا كنت سعيدة قدهم كلهم وكانت البداية بلوس أنجلوس وليلة عظيمة وبعدها رحت نيوجرسي".
وأضافت في منشورها: "كمان التفاعل كان متل الحلم وآخر حفلة كانت تاني يوم مباشرة بديترويت ويا دوب وصلت الفندق وحضرت حالي وغيرت مجوهراتي اللي الحمد لله كلهم إلي وما كان معي شي أنا ما بملكه وهيك عادة بالسفر بعمل بخاف من المسئولية فا بلبس أغراضي ورحت الحفلة وكانت قمة بالجمال والحضور مرعب والجو خيالي والناس طارت وأنا كذلك".
وتابعت: "وخلصت الحفلة ورجعت تعبانة حضرت حالي للراحة ونمت والصبح فتحت شنطتي غير حلقي اللي بحب غيره كل يوم حسب شو حاسه وللأسف ما لقيت علبة مجوهراتي كلها وطبعا زعلت لأسباب كتيرة، أولها وأهمها إني عملت بأوقات طويلة وانتظرت أكتر من سنة اسم أبي حطه على راسي وصورة أبي بصدري وذكريات مهمة من جوزي ومن ولادي وهدايا مني إليّ بمناسبات نجاح حفلة أو ألبوم أو أغنية وكمان هدايا من أصحاب غاليين عليي وأغراضي غير قيمتها المادية إلها قيمة عندي معنوية كبير".
