الفنان أحمد زاهر يوضح حقيقة حالته الصحية

بعد غيابه الطويل في الفترة الأخيرة، والشائعات الكثيرة التي ترددت عقب سقوطه أثناء تقديمه حفل النجم تامر حسني ، فى منتصف شهر نوفمبر من العام الماضى، خرج الفنان المصري أحمد زاهر عن صمته ليرد على هذه الشائعات عبر حسابه الشخصى على "فيس بوك".

وقال زاهر :"أول مره أدخل على فيس بوك من شهر و نص تقريبا، أولا عاوز أشكر كل الناس اللى سألت عليا كل الناس اللى نزلت بوستات و اتمنولى الشفا شكرا من كل قلبى و اطمنوا أنا دلوقتى الحمدلله زى الفل".

وأضاف زاهر: "أما الناس اللى طلعوا إشاعات إنى مش هارجع أمشى تانى قبل 8 شهور أحب أقولهم حسبنا الله و نعم الوكيل، وأكبر دليل على إن كلامكم كدب إنى الحمد لله و الشكر لله زى الفل دلوقتى".

وتابع: "أما بخصوص الأخبار اللى انتشرت على بعض المواقع إنى تعاقدت على مسلسل لمس أكتاف مع صديقى النجم ياسر جلال، هذه الأخبار ليس لها أى أساس من الصحة، طبعا يشرفنى مشاركة أخويا ياسر جلال فى عمل فنى و يشرفنى انضمامى لشركه محترمة زى شركة سينيرجى بس لو كان الموضوع حقيقى، بس الحقيقه إن ما حصلش أى حوار على هذا العمل من قبل الشركة أو المخرج أو بطل العمل فأنا مستغرب جدا من انتشار خبر ليس له أساس من الصحة و كل سنه و انتم طيبين و سنة سعيدة علينا جميعا إن شاء الله وكل سنه و كل اخواتى المسيحين بخير و سعادة و عيد ميلاد مجيد".