انتصار مهاجمة محمد رمضان : أنت مش نمبر وان (فيديو)
الثلاثاء 26 فبراير 2019 16:05:53
حلت الفنانة المصرية انتصار ضيفة مع الإعلامي عمرو الليثي في برنامج "واحد من الناس" المذاع عبر فضائية "النهار"، ونصحت الفنان محمد رمضان، بالكف عن الحديث عن حياته الشخصية: "ياريت يبقى غامض ويقفل بقه شوية".
وأشارت إلى أن أغاني محمد رمضان "حلوة" ولكنه ليس "نمبر وان" كما ادعى.
وتابعت: "طب هو مش نمبر وان فيه ناس كتير غيره نمبر وان زي عادل إمام على مستوى السينما والمسرح ونجم بقاله 40 سنة وده هيفضل نمبر وان حتى بعد ما يموت لإن محدش بيعرف يحقق نجومية لمدة 30 سنة متصلين وسمير غانم ومحمد نجم على مستوى المسرح التجاري".
واستطردت: "نمبر وان أحمد السقا وكريم عبدالعزيز وأحمد عز على مستوى السينما وتامر حسني على مستوى المطربين اللي احتلوا مكان في السينما لكن مش كمطرب وعمرو دياب نمبر وان كمطرب".
على الجانب الآخر قالت انتصار إنها لن لن تتدخل في قرارات ابنتها، عندما تكبر وتقرر دخول مجال التمثيل وأداء مشاهد تحتوي على قبلات.
وأضافت :"أكيد مش هتتباس في السن دي، لكن بقت ممثلة وعندها 25 سنة مثلًا مش هأحكم عليها في حياتها واختيارتها، وممكن تكون متجوزة، ده قرارها".
وتابعت: "وأنا في سن الـ25 كنت باخد قرارتي بنفسي، ولما قلت التصريح ده قبل كده، سابوا الحوار كله ومسكوا في الجملة دي، رغم إني قلت لو قررت تبقى ممثلة".
