هكذا تفاعل نجوم مصر مع إعلان نتائج الثانوية العامة

تفاعل عدد كبير من نجوم مصر مع إعلان نتائج الثانوية العامة، وقدم بعض منهم نصائح للطلبة، فيما فضل أخرون مشاركة تجاربهم الشخصية في هذا الفترة.

محمد هنيدي استعاد ذكرياته مع هذه الفترة، وكتب عبر حسابه بموقع فيس بوك:" أتذكر جيدا أيام الثانوية العامة كانت عادة اتصال الوزير بالمتفوقين قد بدأت للتو، كنت واثقًا البته من تفوقى فى الامتحانات وكان والدى منبهرًا دائمًا بي، فبعد كل امتحان كنت أوكد له حصولي على الدرجة النهائية، والدى كان يفتخر بى وبذكائى قائلا لإصدقائه محمد ذكى جدا .. ده بيقفل الامتحانات وهو مابيفتحش كتاب.. في يوم ما قبل النتيجة جلست بجانب التليفون أنتظر اتصال الوزير ليخبرني بالخبر السعيد وهو يقول طلعت أول جمهورية يا محمد مبروك، وبعد ساعات أتى الاتصال وإذا بمعتز صديقى قائلا "جبتلك النتيجة من الكنترول.. الحق اهرب يا محمد جبت 51% وملحق فى العربى".

أما بشرى فنشرت عبر "انستجرام" شهادة الثانوية العامة، وقالت:" كنت جايبة 351 /400 فى الثانوية العامة، إلا دول يبقوا كام فى المية يا متعلمين يا بتوع المدارس، أنا أصلى كنت أدبى ومحبش أوجع راسى فى الحسابات، مش فاكرة التسعة وأربعين درجة طاروا منى فى ايه، ثم درجات التفوق الرياضى راحو فين، ده انا اتهريت كرة طايرة و وجرى ووثب طويل".

أحمد فهمي سخر من مجموعه الكبير في الثانوية العامة، والذي كان 99.8%، وكتب عبر تويتر:" مش عارف ده مجموعي في الثانوية العامة ولا كنت بنافس ديتول".

أحمد حلمي مازح جمهوره، ونشر فيديو له من فيلمه الشهير "الناظر"، وعلق قائلًا:"خليك زي عاطف".

هاني سلامة هنأ كل طلبة الثانوية العامة، ووجه لهم رسالة عبر "انستجرام"، قال فيها:" ادخلوا الكلية اللى بتحبوها والمهنة اللى نفسكم فيها مش اللى المجموع جابها، ولكل اللى ماجبوش المجموع اللى نفسهم فيه أوعوا تتكسروا ولا تحبطوا، انتوا لسه فى أول الطريق، المهم تدوروا على حاجة بتحبوها واجتهدوا فيها وخليكوا دايمًا واثقين أن ربنا مش هيخذل أبدًا أى مجتهد".

مطرب المهرجانات حمو بيكا، كتب عبر حسابه الرسمي بموقع فيس بوك:"ألف مليون مبروك لأخواتي وحبايبي اللي نجحو في الثانوية العامة وإن شاء الله تحققو كل أحلامكم، وهاردلك لكل اللي منجحوش قدامكم لسه بدل الفرصة ألف فرصة تعوضوا وتحققوا كل اللي بتتمنوه".