أبو الليف يستغيث بسبب خلافات الميراث: أخويا عايز ياكل حقي
كشف نادر أبو الليف عن معاناته المستمرة مع خلافات الميراث داخل أسرته، مؤكدًا أن الأزمة ما زالت مستمرة داخل أروقة المحاكم منذ أكثر من 10 سنوات، وسط حالة من الحزن والاستياء بسبب تعقد الخلافات العائلية.
وكتب أبو الليف عبر حسابه الرسمي على «فيسبوك» رسالة مؤثرة عبّر خلالها عن حزنه من تغير العلاقات الإنسانية، قائلًا:
«السلام عليكم.. عايز أعرف ليه الناس ضمايرها ونفوسها وأخلاقها وتربيتها اتغيرت من جواها، كل واحد بقى يهمه نفسه فقط لا غير ومش مهم أي حد على وجه الأرض.. كله بيقول يا نفسي».
وأضاف الفنان المصري متحدثًا عن أزمته مع شقيقه:
«حتى للأسف الشديد أخوك ابن أمك وأبوك اللي نازل أنت وهو من رحم واحد ومتربيين في بيت واحد عايز ياكلك ويدوس عليك وياكل ورثك».
وتابع أبو الليف حديثه كاشفًا تفاصيل الأزمة، موضحًا أنهم يقضون أكثر من عشر سنوات في المحاكم بسبب شقة ميراث، حيث قال:
«بقالي أكتر من عشر سنين دايخين في المحاكم علشان نبيع شقة ورث وكل واحد ياخد نصيبه بما يرضي الله، وللأسف المحاكم والقضايا اللي زي دي بتاخد سنين طويلة».
وأشار إلى أن الخلافات العائلية تركت أثرًا نفسيًا كبيرًا عليه، معربًا عن أمله في انتهاء الأزمة وعودة العلاقات الأسرية لطبيعتها، مضيفًا:
«نفسي يفوق ويحس ويعرف إننا إخوات وعمر الدم ما يبقى مية».
